Џабе е учењето македонски: Децата не се глупави да учат за да земат партиска книшка за 20 илјади плата
Од предвидените 190 места, само 16 средношколци се пријавиле во првиот уписен рок на катедрите за македонски јазик и за македонска книжевност и култура на УКИМ. Осуммина од нив ќе студираат Македонски јазик, седуммина Македонска книжевност и јужнословенски книжевности, а еден вонреден студент е запишан на отсекот за книжевност.
Граѓаните се поделени, дел сметаат дека ова е поразителен факт за државата која требала да се погрижи одредени институции задолжително да вработат лектор. Но дел сметаат дека околу темата се кренала голема фама, а трендот на намалување на студенти е нормален. Велат дека има куп македонисти што работат на каси по маркети, а децата не се глупави да учат нешто за што утре би им требала партиска книшка за да земаат 20 илјади плата.
Ова се дел од коментарите на социјалните мрежи.
Да беше државава нормална, еден куп субјекти ќе мораа да имаат задолжителен лектор како вработен. Така, ќе беше поатрактивен и факултетот, а и грижата за јазикот. Да не зборам за катедрите низ светот. Ама не, битно ние името не го даваме, идентитетот не го продаваме.
— Раде (@na_vanja) September 9, 2022
А тие што ќе завршат филолошки можат буквално да работат во чистота, не вреди тој факултет, џабе фрлени пари и време.
— Podmornica (@Teovelemenge) September 9, 2022
Држава која се грижи за својата иднина треба да вложува во млади Македонисти.
— Simpson (@HomerGjorgj) September 10, 2022
Тука државата треба да воведе некои мерки ,за да биде попривлечен факултетот за младите.Ама цела држава ни е на изумирање,катедрата е само дел од статистиката.Исто е со многу гранки на филолошки и филозофски.
— Simpson (@HomerGjorgj) September 10, 2022
Најпоразително за нашето образование е фактот што на студиите по македонски јазик и книжевност се запишале само 16 студенти од 190 слободни места
— Доктореса (@doctoressaa) September 10, 2022
Држава која целокупното образование и здравство ги вади на пазар на труд и се обидува да ги направи профитни професии е осудена на тивко згаснување.Не смее професор по Македонски јазик да го исфрлиш во пазарно стопанство,од старт е неконкурентен,државата треба да се погрижи
— SnaaVraništanska (@vranistanska) September 10, 2022
Ова се случува затоа што државата нема стратегија! Но, на ваков начин се уништува македонскиот јазик. Затоа не треба да викаме ни го земаа јазикот, сами го даваме, односно уништуваме. Сега е можда смешно 16 студенти, но нема да помине долго време кога ќе згасне мк јазикот.
— @crnamaca2 (@crnamaca2) September 11, 2022
