БНТ: Маж од пловдивско село отвора македонски клуб во својот двор
Шеесет и деветгодишен маж од пловдивското село Крумово подготвува приватен македонски клуб во дворот од својот дом. Борислав Божинов се дефинира како Македонец и е убеден дека во Бугарија има голема заедница, но се плаши јавно да се изјасни. Клубот ќе го носи името на Јане Сандански, пренесува Бугарската национална телевизија.
Семејството на Борислав Божинов е од Пиринска Македонија. Неговото семејство најпрво се населило во Шумен, а потоа се преселило во селото Крумово. Според него, дури и на неговата улица има многу Македонци, но сите се плашеле да го објават официјално. На последниот попис тој самиот ја посочил својата националност како Македонец.
„Мора да признаеме, живееме под геноцид. Дали имам право да учам во македонско училиште, немам. Сестра ми беше запишана како Македонец во пасошот. Партискиот секретар на Крумово и го искина пасошот затоа што на него пишуваше македонски“, рече Борислав Божинов.
Сем ќе ја финансира изградбата на македонскиот клуб, кој ќе биде сместен во неговата гаража. Тој е убеден дека во бугарско-македонските односи не треба да има омраза. Така мислат и неговите соседи. Клубот се очекува да биде отворен напролет.
