(ВИДЕО) „Немаме ресурси, но имаме нуклеарно оружје“, вели Ходаковски
Русија не може да го „победи НАТО“ во Украина без употреба на нуклеарно оружје, изјави рускиот командант на истокот на земјата на државната телевизија.
Командантот на руската милиција во регионот на Доњецк, Александар Ходаковски, за Русија-1 изјави дека ресурсите на Москва се ограничени.
Тој исто така тврди дека Русија „сега се бори со целиот западен свет, поради што следната ескалација на украинската војна може да биде само една: нуклеарна“. „Немаме ресурси да го победиме НАТО блокот со конвенционални средства. Но затоа имаме нуклеарно оружје“, рече Ходаковски.
Кремљ јавно не одговори на коментарите на Ходаковски.
Рускиот претседател Владимир Путин минатата недела предупреди на „зголемена“ закана од нуклеарна војна, но рече дека го гледа рускиот нуклеарен арсенал како одвраќање, а не како провокација.
