(ВИДЕО) Три града во Турција срамнети со земја
Првите прелиминарни податоци покажуваат дека само на југот на Турција се уништени или урнати 130 згради. Уривање на објекти е забележано и во Шрија, но засега нема детални информации за тоа.
Размерите на уништувањето на земјотресот на југот на Турција се покажаа страшни, апокалиптичните сцени беа застрашувачки!
Освен Газинтеп, најлошо настрада и градот Искендерум, каде што буквално беа урнати и срамнети со земја повеќето згради. Има информации дека пожарникарите и спасувачите не можат да стигнат на секое место бидејќи се урнати голем број згради и објекти. Се стравува дека бројот на жртви ќе биде многу поголем.
The City of İskenderun in Southern Turkey has suffered some of the most Severe Damage caused by the Earthquake, there are reports that Fire and Rescue Crews are unable to get to many parts of the City with 100s if not 1000s of people expected to still be under collapsed buildings pic.twitter.com/kMV2hgEBXZ
— OSINTdefender (@sentdefender) February 6, 2023
Третиот град кој претрпе страшни разурнувања во двата силни земјотреси на југот на Турција е Кахраманмарас. Утрото, по два силни удари, зградите изгледаа како градот да претрпел страшни разурнувања во ноќно бомбардирање.
Снимките кои кружат на социјалните мрежи укажуваат дека во самиот град речиси и да нема цела зграда. Во дождлив ден, преживеаните шетаат по улиците и немо ги набљудуваат срушените згради, под кои има голем број луѓе, пријатели, роднини и членови на семејството.
Турските власти упатија официјален апел до светската јавност дека на земјата ѝ е потребна сета помош, пред сè од медицински лица и спасувачи, за да им се помогне на настраданите на југот на Турција и да се зголемат шансите за спасување на повредените и преживеаните од купот бетон.
