(Видео) Ердоган првпат во јавност по тврдењата дека доживеал срцев удар
Турскиот претседател Реџеп Таип Ердоган денеска се појави во Истанбул за прв пат во јавноста по четиридневна пауза поради болест, покажуваат телевизиските снимки.
Шефот на државата (69), кој според официјалните информации имал стомачен вирус, изминативе четири дена зборува само преку видео-врска, што покрена прашања за неговата здравствена состојба, две недели пред претседателските избори закажани за 14 мај.
Erdogan emerges from days-long of home rest with Azerbaijan’s Aliyev and Libya’s Dbeibeh at Teknofest, an event which largely promotes Turkish aerial capabilities
— Ragıp Soylu (@ragipsoylu) April 29, 2023
Поради ова во јавноста се појавија тврдења дека доживеал срцев удар, кои брзо беа демантирани.
Сега, четири дена подоцна, Ердоган беше на турнеја на „Текнофест“ на стариот аеродром „Ататурк“ во Истанбул. Турција го претставува тој салон како „најголем во светот“, каде што нејзината воена индустрија ќе ги изложува своите дронови и авиони.
