Ќе учам меѓународни односи и човекови права за да помогнам на Бугарите во Македонија, вели Пендиков
Од
Објавено на
Ќе учам меѓународни односи и човекови права за да помогнам на Бугарите во Македонија, изјави Христијан Пендиков за БГНЕС. Момчето планира да студира во Бугарија.
Тој вели дека сега се чувствува поспокојно, затоа што ќе оди во Македонија за судење, а Бугарија ги штити неговите интереси. Тврди дека добивал закани по живот. Пендиков рече дека пораснал во Охрид, сите спомени му се таму, а Бугарите треба како што вели да се чуваат едни со други.
Инаку, бугарската потпретседателка Илија Јотова денеска свечено му врачи бугарско државјанство на Пендиков. На почетокот на годинава, три лица во Охрид го нападнаа Пендиков, по што Бугарија со владин авион го однесе на лекување во Софија и оттогаш е таму.
