СДС и ДУИ ја саботираат Анкетната за Онкологија за да не се дознае вистината и да ги заштитат своите кадри во скандалот Диво Месо, обвинува ВМРО-ДПМНЕ
![](https://skopje1.mk/wp-content/uploads/2023/10/eZy-Watermark_01-10-2023_05-04-45-9920PM.jpg)
„Нервозата во СДС од работата и заклучоците на Анкетната Комисија за скандалот на клиниката на Онкологија, покажува дека канцер мафијата е тесно поврзана со власта“, велат од ВМРО-ДПМНЕ и додаваат:
„Фактот што СДС и ДУИ ја саботираат Анкетната комисија за Онкологија, е доказ дека тие прават се за да не се дознае вистината за овој грозоморен чин и да ги заштитат своите кадри заплеткани во скандалот “Диво Месо“.
Скандалот Диво Месо отвори огромен сомнеж за свесно уништување на системот и редот на клиниката за Онкологија со цел во некој да се богати на грбот на најтешко болните пациенти.
Ваквиот здравствен башибозук бил возможен само со знаење, одобрување или директно учество на највисоките функционери во институциите и власта.
Од работата на Анкетната комисија произлезе дека поради непостапување согласно надлежностите кои се пропишани во законите од областа на здравствениот систем, како и прекршување на позитивни прописи од подзаконските акти со кои се уредуваат организацијата, работењето и контролата на здравствените установи, политичка одговорност за скандалот, клучната одговорност треба да се бара кај поранешниот министер за здравство Венко Филипче, тогашните медицински и економски директор на Онкологија Нино Васев и Нехат Нухи, тогашната директорка на ДСЗИ Ирина Сотирова Бухова, тогашните директори на ФЗО Стево Крстевски и Фатон Ахмети.
Оваа состојба на клиниката за Онкологија била јавна тајна. Пациенти, но и медиуми говореа дека свесно се создаваат долгови на клиниката,а во исто време терапија нема, наместо цитостатици пациентите добиваат физиолошки раствор, а скапите лекови завршуваат на црниот пазар во земјата и во странство.
Никој од надлежните со години и месеци не мрднал со прст и затоа се поставува прашањето колку човечки животи би биле спасени или продолжени, ако на клиниката не владеел свесно создаден хаос од кој ќар имала канцер мафијата.
Ова е најгрозоморниот скандал во Македонија. Обвинителството на сето тоа молчи. Се прави слепо и глуво.
Паниката која владее кај владејачките структури покажува дека Анкетната Комисија го погоди нервот на мафијата.
Доколку СДС прават се заклучоците да не се донесат, а обвинителството да не отворат истрага, тогаш залудно се мачат.
Анкетната комисија извади на виделина многу аспекти од овој скандал, и истите можат да бидат добра основа за идна истрага која ќе ја спроведе професионално и слободно обвинителство“.
![](https://skopje1.mk/wp-content/uploads/2022/01/2222.png)