Две девојчиња на возраст од 13 и 14 години се уапсени под сомнение за грабеж на Еврејка во северен Лондон, пишува Скај Њуз.
20-годишна жена, која е од православната еврејска заедница, била нападната и и ја украле чантата во четвртокот на Стемфорд Хил.
Полицијата соопшти дека таа претрпела модринки и останала „многу потресена“, иако не и требаше болничко лекување по нападот во авенијата Ростревор околу 16.30 часот.
Детективот Асли Бенсон, кој ја водеше истрагата, рече: „Ова беше застрашувачки инцидент за младата жена која беше нападната. Во сегашната клима, кога стравувањата и несигурноста во пошироката еврејска заедница се засилени по терористичките напади во Израел и последователниот пораст на антисемитскиот криминал од омраза овде во Лондон, овие грижи се сосема разбирливи“, додаде тој.
