Не разбираме зошто викаат дека „Скопје е тажно“, „Скопје нема да се накити“ – магијата почне на 15 декември, велат од кај Арсовска
Скопје ќе блесне со Новогодишна магија на 15-ти декември, велат од прес-службата на Град Скопје. Ова доаѓа откако критик упати ексградоначалникот Петре Шилегов. Тие информираат дека градот ќе биде украсен, но за драстично пониска сума од она што досега секоја година се трошело на украсување на градот преку, како што се наведува, сомнителни набавки.
„Не ја разбирамe потребата, веројатно во недостаток на останати аргументи и оваа година во истиот период како на тајмер, партиските војници да констатираат дека „Скопје е тажно“ и дека „Скопје нема да се накити“ за време на Новогодишните празници. Секоја година истите луѓе се демантирани. Не од нас, туку од граѓаните кои се фотографираат со новогодишните украси во градот. Некој треба да одговори како трошел по фирмички за китење годишно помеѓу 90.000 и 245.000 евра за украсување, пари на граѓаните кои завршувале во приватни џебови, а сега градот се кити за 30.000 евра.
Минатата година, во време на најголемата глобална економска и енергетска криза, градот беше накитен без дополнителни трошоци, а средствата предвидени за китење, но и трошоците кои порано се правеле за ручеци и пиење по кафани, беа наменети за ранливите категории на граѓани“, велат пд Град Скопје.
