„Некст тајм“ на Водици во Охрид – Пецаков објави дека градот е подготвен за положување на светиот крст
![](https://skopje1.mk/wp-content/uploads/2024/01/Screenshot-2024-01-17-at-13.18.32.png)
„Привршуваат подготовките за претстојниот празник ‘Богојавление – Водици’“, вели Кирил Пецаков – Градоначалник на Општина Охрид.
„Денеска, екипи на ЈП „Охридски комуналец“ го украсуваат централното градско подрачје и градското пристаниште и исто така се врши дополнително чистење на делот од пристаништетот каде ќе влегуваат капачите.
На 19-ти јануари, богослужбите во охридските парохиски цркви ќе започнат во 7 часот наутро, а точно во 10 часот од Градското пристанишете ќе биде положен Светиот крст во водите на Охридското Езеро. Во сите парохиски цркви во Охрид веќе е започнато пријавувањето на капачите кои сакаат да бидат дел од настанот. До сега покрај бројните охриѓани, своето учество го пријавиле и голем број верници од други градови на Македонија.
По чинот на Богојавленскиот водосвет, околу пладне на градскиот плоштад „Свети Климент Охридски“ предвидена е забавна програма за посетителите, со концерт на групата „Некст Тајм“.
![](https://skopje1.mk/wp-content/uploads/2022/01/2222.png)