Техничка Влада без министрите на ВМРО-ДПМНЕ, предлага Ковачевски доколку опозициската партија не гласа во Собрание
![](https://skopje1.mk/wp-content/uploads/2024/01/Untitled-1.jpg)
Ако ВМРО-ДПМНЕ не ја поддржи техничката Влада, нема да добие ниту министри во неа. Ова е ставот на премиерот Димитар Ковачевски, кој смета дека опозициската партија не гласа за избор на преодната Влада, нивните министри не треба да се најдат на листата која ќе се гласа во Собрание.
„Тие места да останат празни, мандатарот да предложи празни места. И кога ВМРО-ДПМНЕ ќе поддржи Влада, наредниот ден да бидат изгласани тие министри“, рече Ковачевски.
Потоа, тој упати и низа критики за ВМРО-ДПМНЕ, како и впрочем, при секое појавување во јавност. Прашан за коментар, како го коментира ставот на ВМРО-ДПМНЕ дека нема да учествуваат на седници на техничката Влада чиј технички премиер треба да е Талат Џафери, Ковачевски меѓудругото рече: „Од нивниот пристап видовме дека четири години беа во Собранието и не работеа туку блокираа“.
![](https://skopje1.mk/wp-content/uploads/2022/01/2222.png)