Бајден одлучил како да се одмазди, Америка ќе изврши напад
![](https://skopje1.mk/wp-content/uploads/2022/09/Bajden.jpeg)
Американскиот претседател Џо Бајден откри дека одлучил како да одговори на нападот со беспилотно летало во кој загинаа тројца американски војници во Јордан и повтори дека не сака САД да бидат вовлечени во поголема војна. Пред медиумите не го откри начинот
Бајден тврди дека Иран е одговорен за обезбедувањето оружје на милитантите кои стојат зад нападот.
Белата куќа, да потсетиме, размислува да изврши напад врз неколку ирански воени средства во Персискиот залив, а според пишувањата на медиумите, на Бајден му биле претставени различни опции. Одмаздата би можела да дојде во наредните денови бидејќи тензиите на Блискиот Исток продолжуваат да растат.
Новинарите го прашаа американскиот претседател како знае дека Иран е одговорен за нападот со беспилотно летало.
– Иран испорачува оружје – рече Бајден.
Сепак, тој избегна да одговори на прашањето дали верува дека Техеран е директно одговорен за нападот, кој САД го припишуваат на прокси групи.
– Ќе ги имаме тие разговори – рече Бајден.
Новинарите го прашаа дали донел одлука за тоа како ќе реагираат САД.
„Да“, рече Бајден едноставно еден ден по состанокот со неговиот безбедносен тим во брифинг-салата во Белата куќа.
Нацијата продолжува да тагува за загубата на тројца американски војници во напад со беспилотно летало во Јордан додека Бајден се соочува со повици од републиканците директно да го нападне Иран и притисок да се избегне воена ескалација.
![](https://skopje1.mk/wp-content/uploads/2022/01/2222.png)