Крими Скопје: Вработен во ЕВН натепан во Сарај, малолетничка во Гази Баба, скопјанец ограбен на Бит Пазар
![](https://skopje1.mk/wp-content/uploads/2023/08/eZy-Watermark_26-08-2023_12-38-59-0540PM.jpg)
На 16.04.2024 во 15.00 часот во СВР Скопје, Д.Ц.(32) од Скопје пријавил дека на 15.04.2024 околу 15.00 часот во основно училиште на подрачјето на Гази Баба, неговата малолетна ќерка била нападната од нејзина соученичка. Се преземаат мерки за расчистување на случајот.
На 16.04.2024 во 15.00 часот во СВР Скопје, Д.Б.(38) од с.Кадино, општина Илинден, пријавил дека во с.Глумово, општина Сарај, при извршување работни задачи како вработен во ЕВН, бил физички нападнат од едно лице. Се преземаат мерки за расчистување на случајот.
На 17.04.2024 во 01.40 часот во Полициската станица Бит Пазар, Л.Р. од Скопје пријавил дека на подрачјето на Бит Пазар неколку лица физички го нападнале и му одзеле пари и накит. Се преземаат мерки за расчистување на случајот.
На 17.04.2024 во 02.00 часот на подрачјето на Центар во Скопје, полициски службеници од Полициската станица Центар ги затекнале Ј.М.(24) од Скопје, П.Н.(23) од Прилеп, Д.Б.(23) од Скопје, М.Ј.(25) од Битола и А.М.(24) од Скопје додека пишувале графит. Од нив биле одземени неколку канти со поликолор и боја и други предмети. По документирање на случајот ќе следува соодветен поднесок.
![](https://skopje1.mk/wp-content/uploads/2022/01/2222.png)