Средба на градоначалникот Пецаков со амбасадорот на Јапонија
Од
Објавено на
Градоначалникот Кирил Пецаков денес оствари протоколарна средба со амбасадорот на Јапонија во нашата земја, Н.Е. Оцука Казуја. Непосреден повод за средбата е отворањето на изложбата „UKIYO – E Јапонски лебдечки свет“ на големите јапонски мајстори за дрворези од 17 и 18 век. Изложбата е по повод 30 години од воспоставувањето на дипломатските односи помеѓу Македонија и Јапонија, а ќе биде поставена во куќата на Робевци.
Градоначалникот Пецаков се заблагодари за исклучително добрата соработка со Јапонската амбасада и изрази надеж дека и во иднина локалната самоуправа ќе биде во можност да учествува во заеднички проекти со амбасадата.
