(Видео) Гостин на Си-ен-ен исфрлен од емисија, му рекол на новинарот: Се надевам дека вашиот пејџер нема да заѕвони
Вчера на Си-Ен-Ен се одржа дебата меѓу конзервативниот новинар Рајан Гирдуски и британско-американскиот новинар Мехди Хасан.
Тие разговараа за расистичките шеги на комичарот Тони Хинчклиф кои го засенија митингот на Доналд Трамп во Медисон Сквер Гарден во Њујорк, пренесува Ен-би-си.
Гирдуски и Хасан дебатираа дали вториот е етикетиран како антисемитист. „Јас сум поддржувач на Палестинците, навикнат сум на тоа“, рече Хасан.
Girdusky to Hasan: I hope your beeper doesn’t go off pic.twitter.com/YmHhYnkDZ3
— Acyn (@Acyn) October 29, 2024
„Па, се надевам дека вашиот пејџер нема да се огласи“, одговори Гирдуски.
Тој мислеше на минатомесечните експлозии на пејџер во Либан, во кои имаше мртви и ранети.
Хасан одговори: „Дали само што рече дека треба да умрам? Ти штотуку кажа дека треба да бидам убиен“.
Кога водителката Аби Филип го повика Гирдуски да излезе, тој се извини, тврдејќи дека слушнал како Хасан вели дека го поддржува Хамас.
По рекламите, и Гирдуски и Хасан ја напуштија тркалезната маса.
Sharing @CNN’s statement and a quick message from me about what happened on tonight’s show.
I take this very seriously and want to again apologize to @mehdirhasan and I hope he’ll join us another time. pic.twitter.com/O9l0Ftv5NZ
— Abby D. Phillip (@abbydphillip) October 29, 2024
„Нема место за расизам или фанатизам на Си-ен-ен или на нашите бранови“, се вели во соопштението на мрежата што го сподели водителката на социјалните мрежи.
„Наша цел е да поттикнеме обмислени разговори и дебати меѓу луѓето кои длабоко не се согласуваат едни со други за да ги истражиме важните прашања и да промовираме меѓусебно разбирање“, се вели во соопштението.
„Но, нема да дозволиме гостите да бидат понижени или да ја преминат границата на учтивост. Рајан Гирдуски повеќе не е добредојден на нашата мрежа“.
You can stay on CNN if you falsely call every Republican a Nazi and have taken money from Qatar-funded media. Apparently you can't go on CNN if you make a joke. I'm glad America gets to see what CNN stands for.
— Ryan James Girdusky (@RyanGirdusky) October 29, 2024
Гирдуски се огласи на Икс по инцидентот:
„Можете да бидете на Си-ен-ен ако лажно го наречете секој републиканец нацист и земате пари од медиумите финансирани од Катар. Очигледно не можете да бидете на Си-ен-ен ако се шегувате. Мило ми е Америка може да види што претставува Си-ен-ен“.
