Иако беше најавувано дека за снегот ќе почекаме, денес веќе мириса на зима. Првиот снег во Македонија падна на Попова Шапка. Метеоролозите најавија дека дневните температури од утре ќе бидат значително пониски, а утринските на повеќе места ќе се спуштат под или околу нулата. Од понеделник ќе има променлива облачност, а во вторник врнежи од дожд кои особено на север ќе поминуваат во снег и на повисоките места.
