Африм Гаши хоспитализиран со стомачни болки – состојбата стабилна, засега без потреба од операција, велат од Министерството за здравство

Претседателот на Собранието, Африм Гаши, е хоспитализиран и се наоѓа во стабилна здравствена состојба, информира Министерството за здравство.

— реклама —

Гаши бил примен на Клиниката за дигестивна хирургија околу полноќ, поради силни болки во стомакот. Веднаш по приемот му биле направени сите потребни радиолошки и лабораториски испитувања, при што е дијагностицирана интестинална опструкција на тенкото црево – состојба која подразбира нарушено движење на содржината низ цревото.

— реклама —

— реклама —

Според официјалната информација, Гаши е задржан на болничко лекување и е под постојан лекарски надзор. Во моментов се применува конзервативен медикаментозен третман, односно терапија без хируршка интервенција, бидејќи засега нема индикации за операција.

— реклама —

Министерството најави дека јавноста ќе биде навремено информирана доколку има промени во неговата состојба.