АФЖ - Левица бара казна за Дехари: Остро го осудија сексуалното малтретирање што го вршел кичевскиот градоначалник

Антифашистичкиот фронт на жените, АФЖ - Левица, во партиското соопштение најостро го осудува одвратното, мизогино и злоупотребувачко однесување на Фатмир Дехари, градоначалник на Кичево, како и срамното молчење од страна на ДУИ и останатите институции.

— реклама —

Аудио-снимките што излегоа во јавност, на кои се слуша како Дехари сексуално малтретира и понижува вработени жени во Општината, се доказ за системска злоупотреба на моќ и родово насилство на работно место, а тоа е нешто што заслужува и кривична одговорност, не само - политичка оставка!

Ниту една жена не треба да биде предмет на понижување, заплашување или сексуално изживување, особено не од страна на функционер платен со парите на граѓаните. Ова е скандал преку злоупотреба на функција, полов мобинг и родово засновано насилство, наведуват во соопштението

 АФЖ - Левица бара:

— реклама —

• Јавна реакција од жените-функционерки во ДУИ;

— реклама —

• Реакција од Комисијата за заштита од дискриминација;

• Кривична одговорност и казни за насилникот!

АФЖ - Левица не остапува од својата борба, додека насилниците не одговараат. Ние нема да бидеме дел од културата на молк: ниту во Кичево, ниту на кое било друго место во Македонија!