Акција на косовската полиција на неколку локации јужно од Ибар: Во тек е затворање на српските институции

Косовската полиција започна операција за затворање на канцелариите на српските институции на десетици локации јужно од Ибар во Косово, јави приштинска КОХА.

— реклама —

Дејството се одвива во повеќе региони.

— реклама —

Косовската полиција не соопшти детали зошто се спроведува операцијата, но соопшти дека информациите ќе бидат дадени кога ќе биде завршена.

— реклама —

„Можеме да потврдиме дека денеска во раните утрински часови косовската полиција во соработка и координација со надлежните институции започна со спроведување на полициска акција која опфаќа повеќе региони на Косово, како што е полициското одделение на Приштина, Полициското одделение Гњилане, Полициското одделение Ѓаковица и „Јужна Митровица“, соопшти полицијата, пренесува КОХА.

— реклама —

Во моментов нема полициски акции на север, потврдија за порталот Алтернатива од косовската полиција за северниот регион.