Акциска контрола во два локали во Гостивар: Затекнати 15 странски државјанки и пронајдена марихуана

Во акциска контрола спроведена ноќеска во два угостителски објекти на подрачјето на Гостивар, полицијата приведе 15 странски државјанки поради злоупотреба на туристичкиот престој, а лишени од слобода се и две лица.

— реклама —

Како што информира Министерството за внатрешни работи, акцијата била реализирана денеска, во периодот од 2:00 до 4:00 часот, од полициски службеници на СВР Тетово – ОВР Гостивар.

— реклама —

Во угостителски објект во селото Чегране бил приведен М.Х. (50) од селото Форино. Според МВР, откако ги забележал полициските службеници пред локалот, ја заклучил влезната врата и ги предупредил присутните да избегаат. Сепак, полицајците со брза интервенција го блокирале задниот излез и спречиле бегство на повеќе странски државјанки.

Во вториот угостителски објект, на подрачјето на Полициското одделение Галате, од слобода бил лишен А.А. (53) од Гостивар, откако кај него била пронајдена марихуана.

— реклама —

При контролите во двата локала биле приведени вкупно 15 странски државјанки, на возраст од 19 до 40 години, од Србија, Албанија и Колумбија. Од нив, 11 биле затекнати во објектот во Чегране, а четири во локалот на подрачјето на Полициското одделение Галате.

— реклама —

Од МВР информираат дека сите странски државјанки се задржани во полициска станица, а по целосното документирање на случајот ќе бидат поднесени соодветни поднесоци.