Полициски службеници од СВР Тетово спровеле акциска контрола во угостителски објекти на подрачјето на СВР Тетово, при што биле пронајдени дрога и ножеви, а четири лица биле приведени.
Како што соопшти Министерството за внатрешни работи, контролата била извршена во периодот од 23:30 часот на 17 јули до 02:00 часот на 18 јули 2026 година.
При контрола во угостителски објект во Тетово, во задниот дел од објектот биле пронајдени две кесички со бела прашкаста материја.
При проверките во други објекти бил приведен А.А. (23) од село Ново Село, бидејќи ги омаловажувал полициските службеници.
Исто така, Е.Р. (29) од село Камењане, С.А. (24) од Гостивар и С.Ј. (59) од село Голема Речица биле приведени бидејќи кај нив биле пронајдени ножеви.
Од полицијата информираат дека по целосно документирање на случаите ќе бидат поднесени соодветни пријави.
