Активен пожар на Шар Планина, огнот зафатил пасишта над Боговинското Езеро

Пожарот над Боговинското Езеро на Шар Планина и натаму е активен, а надлежните служби ја следат состојбата и движењето на огнот.

— реклама —

Пожарот бил пријавен денеска во 11:54 часот, по што Регионалниот центар за управување со кризи – Тетово го известил ЈП „Национален парк Шар Планина“.

— реклама —

Од Националниот парк потврдиле дека огнот зафатил пасишта во непристапен планински предел, во граничниот појас меѓу Македонија и Косово.

— реклама —

Поради тешко пристапниот терен, засега нема да се интервенира директно на местото на пожарот, но состојбата се следи континуирано.

— реклама —

Според информациите од надлежните, пожарот во моментов не претставува опасност за шумскиот фонд. Екипите остануваат на терен и ќе ја следат состојбата и евентуалното ширење на огнот кон шумските површини.