До 13 часот денеска во земјава се регистрирани вкупно осум пожари на отворен простор, од кои четири се активни, два се ставени под контрола, а два се целосно изгаснати, информира Центарот за управување со кризи (ЦУК).
Активни пожари има во четири општини. Во Општина Студеничани гори на потегот од селото Моране, преку Вртекица до Рамни Габер, каде што е зафатена мешана шума.
Во Општина Македонски Брод пожарот е регистриран на месноста Видуш, во близина на селото Драгов Дол и кај Локвица. Зафатени се ниска вегетација, нискостеблеста шума и грмушки.
Активен пожар има и на подрачјето на Општина Прилеп, кај селото Чаниште, со краци кон селото Крушевица, кон Лопатица, кон Црна Река и кон селото Орле во Општина Новаци. Таму гори ниска вегетација.
Во Општина Охрид активен е пожарот на депонијата Буково, каде што гори отпад.
Два пожари се ставени под контрола. Едниот е во селото Копанце во Општина Јегуновце, каде што е зафатена мешана шума, а другиот е на депонијата во Делчево.
Во текот на денот се изгаснати два пожари. Едниот бил во селото Рашче во Општина Сарај, каде што горела ниска вегетација, а другиот на потегот меѓу селата Просениково и Сарај во Општина Струмица, каде што горел отпад.
