Активни два пожара на отворено, пет се изгаснати до 13 часот

До 13:00 часот денеска на територијата на државата се регистрирани вкупно осум пожари на отворен простор, од кои два се активни, еден е ставен под контрола, а пет се изгаснати, информира Центарот за управување со кризи (ЦУК).

— реклама —

Активни се пожарите во Општина Македонски Брод, кај селото Грешница, месноста Стојанова Населба, каде гори ниска вегетација, деградирана шума и грмушки, како и во Општина Гостивар, кај селото Падалиште, каде се зафатени ниска вегетација и нискостеблеста шума.

— реклама —

— реклама —

Под контрола е пожарот на депонијата во Делчево.

— реклама —

Во меѓувреме, изгаснати се пет пожари и тоа кај селото Долна Белица во Струга, селото Моноспитово во Босилово, селото Севенендекли во Валандово, помеѓу селата Селемли и Стојаково во Општина Гевгелија, како и покрај железничката пруга во скопската населба Маџари, каде горела ниска вегетација.