Активни два пожари на отворено во Штип и Липково

Според најновите информации од Центарот за управување со кризи (ЦУК), до 14:00 часот денеска во државата се евидентирани вкупно три пожари на отворен простор.

— реклама —

Од нив, два пожари сè уште се активни, додека еден е целосно изгаснат. Во моментов нема пожари кои се ставени под контрола.

— реклама —

Активен е пожарот во штипската населба Света Недела, каде што гори ниска вегетација. Пожар е регистриран и во липковското село Матејче, каде исто така е зафатена ниска вегетација.

— реклама —

Во меѓувреме, изгаснат е пожарот што избувнал на депонија во струмичкото село Банско.

— реклама —

Од ЦУК и понатаму ја следат состојбата на терен и апелираат до граѓаните да бидат внимателни и да не палат оган на отворен простор.