Amazon и Microsoft на удар на ЕУ: Се подготвуваат нови регулативи

Европската Унија предлага клауд услугите на технолошките гиганти Amazon и Microsoft да бидат опфатени со построги правила во рамки на Законот за дигитални пазари (DMA), со што овие компании би се соочиле со дополнителни регулаторни обврски.

— реклама —

Според предлогот на Европската комисија, сервисите Amazon Web Services (AWS) и Microsoft Azure имаат значително влијание на пазарот и играат клучна улога во европската дигитална економија, поради што треба да бидат означени како „чувари на пристап“ согласно европските прописи.

— реклама —

Доколку предлогот биде усвоен, двете компании ќе треба да обезбедат поголема интероперабилност меѓу услугите, полесен пренос на податоци и да се придржуваат до правилата кои забрануваат фаворизирање на сопствените сервиси.

— реклама —

Од Amazon и Microsoft не се согласуваат со дел од наводите на европските регулатори, предупредувајќи дека воведувањето дополнителни ограничувања би можело негативно да влијае врз конкурентноста и инвестициите во Европа.

— реклама —

Конечната одлука на Европската комисија се очекува во наредните месеци.