Америка го запира издавањето визи за 75 земји – апликациите ќе бидат одбивани по ред

Администрацијата на американскиот претседател Доналд Трамп ја запира обработката на сите визи за посетители од 75 земји, почнувајќи од 21 јануари, објави „Фокс њуз“, повикувајќи се на интерен допис на американскиот Стејт департмент.

— реклама —

Според информациите, меѓу земјите кои се опфатени со оваа мерка се Сомалија, Русија, Иран, Авганистан, Бразил, Нигерија и Тајланд.

— реклама —

Во дописот, кој бил испратен до американските амбасади ширум светот, се наложува визите да се одбиваат во согласност со постојните закони, додека Стејт департментот врши анализа и ревизија на важечките правила за издавање визи.

— реклама —

Оваа одлука се вклопува во строгата имиграциска политика што републиканскиот претседател Доналд Трамп ја спроведува од стапувањето на функцијата во јануари минатата година. Во ноември, Трамп најави дека ќе ги „трајно запре“ миграциите од, како што ги нарече, „земјите од третиот свет“, по инцидентот во кој авганистански државјанин пукаше во близина на Белата куќа и уби припадник на Националната гарда.

— реклама —

Инаку, по повлекувањето на американските сили од Авганистан во 2021 година, голем број авганистански државјани кои поднеле барања за азил во САД добија специјални имигрантски визи, наменети за лица кои соработувале со американската војска за време на дваесетгодишниот конфликт во земјата.