Американски маринци упаднаа на трговски брод

Американските сили го запреле во Арапското Море трговскиот брод „Блу Стар 3“ поради сомнеж дека се обидел да доплови до Иран, соопшти денеска Централната команда на Оружените сили на Соединетите Американски Држави (CENTCOM).

— реклама —

Како што се наведува во објава на социјалната мрежа Икс, американски маринци се качиле на трговски брод за кој постоел сомнеж дека се обидува да влезе во водите на Иран, со што, нагласува CENTCOM, би ја прекршил американската блокада на иранските пристаништа.

— реклама —

Како што е посочено, американските сили по контролата и прегледот на бродот утврдиле дека пловилото не планира да вплови во ирански пристаништа, по што му било дозволено да ја продолжи пловидбата.

— реклама —

CENTCOM соопшти дека американските сили продолжуваат со операциите и спроведувањето на блокадата на просторот на Блискиот Исток.

— реклама —

Се додава дека досега 39 бродови биле пренасочени со цел „обезбедување почитување на важечките ограничувања“, односно американската блокада на иранските пристаништа.