(Видео) Иран тврди дека два танкера се запалиле по удар во поморски мини во Ормускиот Теснец

Два нафтени танкера се запалиле во Ормускиот Теснец откако наводно удриле во поморски мини, соопшти иранската војска, објави иранската новинска агенција ИРНА.

— реклама —

Морнарицата на Корпусот на исламската револуционерна гарда тврди дека бродовите ги прекршиле прописите, ги исклучиле навигациските и идентификациските системи и се обиделе да го напуштат Ормускиот Теснец по неовластена рута.

Според иранското соопштение, танкерите се движеле под заштита на американските воени сили кога удриле во поморските мини и се запалиле.

— реклама —

Иранската страна наведува дека, и покрај обидите на американските војници да ги изгаснат пожарите, двата брода продолжиле интензивно да горат и биле напуштени од екипажите.

— реклама —

Во соопштението, иранската морнарица упатила предупредување до сопствениците на бродови, нагласувајќи дека за безбедно минување низ Ормускиот Теснец е неопходна координација со иранските вооружени сили.

Засега станува збор за тврдења на иранската војска, а во доставеното соопштение нема дополнителни информации за имињата на танкерите и судбината на нивните екипажи.

— реклама —