Американските сили онеспособиле нафтен танкер во Оманскиот Залив откако бродот наводно ја прекршил поморската блокада кон Иран и се обидел да вплови во иранско пристаниште, соопшти Централната команда на американската војска (ЦЕНТКОМ).
Според американската страна, танкерот „Маривекс“, кој плови под знамето на Палау, се наоѓал во меѓународни води и се движел кон Иран кога бил пресретнат од американските сили.
![]([{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9362YEBRCB1FZM7W2K91B.gif","chance":50},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z937P7C633CS99SP77A7TT.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z9399AWTQYS76JTASHNB6Z.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93AQ8NFSC3JGHXF78CANS.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93C62E7Z98JRQG22HQ1ZQ.gif","chance":10},{"src":"https://fls-a0a6331f-aa52-4911-bb98-f749c6b695c6.laravel.cloud/ads/01M3Z93DN7FVZHTTP5AWCCK8DP.gif","chance":10}])
Од ЦЕНТКОМ наведуваат дека екипажот не постапил според издадените наредби, по што борбен авион Ф/А-18 „Супер Хорнет“ од носачот на авиони USS Abraham Lincoln употребил прецизна муниција врз машинскиот простор и системот за управување на бродот.
Американската војска тврди дека по нападот танкерот повеќе не продолжил кон Иран.
Поморската блокада на сообраќајот кон иранските пристаништа САД ја спроведуваат од 13 април. Според податоците на ЦЕНТКОМ, од почетокот на операцијата биле онеспособени седум комерцијални бродови, а уште 134 биле пренасочени.
Од американската команда посочуваат дека овие активности се спроведуваат и покрај актуелното примирје меѓу САД и Иран.
