Аналитичари: Хамнеи e повреден во напад, управува со Иран преку аудио-конференции

Новиот врховен лидер на Иран, ајатолах Моджтаба Хамнеи, наводно се опоравува од тешки повреди здобиени во воздушен напад врз комплексот на врховниот лидер во Техеран, во кој загинал неговиот татко и претходник Али Хамнеи, пренесува Ројтерс, повикувајќи се на неименувани извори.

— реклама —

Според овие информации, кои не се независно потврдени, Хамнеи бил ранет на почетокот на војната на 28 февруари и оттогаш не се појавил во јавноста, ниту пак се објавени негови фотографии или видеоснимки. Сепак, изворите тврдат дека тој и натаму учествува во носењето на одлуки преку аудио-конференции.

— реклама —

И покрај повредите, се наведува дека е ментално активен и способен да ја извршува функцијата, иако закрепнувањето сè уште трае.

Иранските власти засега не ги потврдиле официјално овие информации, додека во јавноста и на социјалните мрежи се шират бројни шпекулации за неговата здравствена состојба и улогата во актуелната политичка и безбедносна ситуација.

— реклама —

Во извештаите се наведува и дека во истиот напад загинале повеќе членови на семејството Хамнеи, додека дел од американските извори претходно посочувале дека новиот лидер можеби се здобил со сериозни повреди, вклучително и можни трајни последици.

— реклама —

Аналитичарите предупредуваат дека ограничената јавна појава и евентуалната намалена контрола на новиот лидер може да влијаат врз внатрешната политичка рамнотежа во Иран, особено во услови на војна и паралелни дипломатски преговори.