Андоновски: Нема да дозволиме матни тендери по цена на човечки животи, како во времето на СДСМ и Филипче

Министерот за дигитална трансформација Стефан Андоновски го обвини СДСМ и лидерот на партијата Венко Филипче дека се спротивставуваат на инвестициите и развојот на земјата.

Во објава на социјалните мрежи, Андоновски наведува дека, според него, СДСМ и Филипче ќе бидат против центрите за податоци, странските инвестиции, високите технологии и новите вработувања, со цел Македонија да не напредува.

— реклама —

Тој вели дека Владата ќе продолжи со привлекување нови инвестиции во високотехнолошкиот сектор и со развој на земјата во дигиталната сфера.

„За нивно жалење, ќе има и нови инвестиции во високи технологии и ќе се развива Македонија во дигиталната сфера“, напиша Андоновски.

— реклама —

— реклама —

Според него, развојот на високите технологии нема да значи компромис со животната средина, воздухот и водата.

Андоновски во објавата упати и критики кон поранешното работење на СДСМ, при што го спомена и Филипче во контекст на неговото поранешно извршување на функцијата министер за здравство.

„Ние не сме луѓе кои ќе дозволат, заради матни тендери, живи да изгорат пациенти во болници. Или да немаат ниедна контрола за чистота на водата со години, а да вршат функција министер за здравство“, наведува Андоновски.