Огнен тим на Дирекцијата за заштита и спасување, составен од доброволни пожарникари од Битола, вчера попладне бил ангажиран во гаснењето на пожарот што беснее на подрачјето кај Селце и Локов, на границата меѓу општините Струга и Дебар.
Како што информира директорот на ДЗС и раководител на Главниот штаб за управување со кризи, Стојанче Ангелов, тимот бил ангажиран за гаснење на пожарот, а рано утрово продолжил со работа на огнената линија.
Ангелов очекува задачата на тимот да биде завршена во текот на денот.
Тој упати благодарност до струшките и дебарските пожарникари, како и до Хеликоптерската единица на МВР, кои во изминатите денови учествувале во гаснењето на пожарот.
