Антикорупцискиот тим на СДСМ со нови обвинувања против Томовски: „161 тендер, 5,3 милиони евра – буџетот се чистел семејно“

Антикорупцискиот тим на СДСМ излезе со нова серија обвинувања кон Ивица Томовски, директор во владината структура на ВМРО-ДПМНЕ, тврдејќи дека семејната фирма „Сити аутсорсинг“ добила вкупно 161 тендер вреден 5,3 милиони евра.

— реклама —

Според СДСМ, токму по доаѓањето на новата влада, фирмата ја зголемила својата деловна активност за 306 проценти во 2024 година, а во 2025 година веќе инкасирала речиси половина милион евра преку нови државни договори.

По објавата на случајот, Томовски побара извинување од СДСМ, но од партијата одговорија дека „нема извинување за оние што пумпаат пари од граѓаните“.

— реклама —

Од Антикорупцискиот тим денеска објавија нов податок – телефонски број поврзан со фирмата, кој, според нивните тврдења, се поврзува директно со Ивица Томовски.

— реклама —

„Меѓу телефонските броеви наведени во документацијата на фирмата ‘Сити аутсорсинг’ е 078-362-710. Проверивме – излегува фотографијата на Ивица Томовски. Ова само ја потврдува очигледната поврзаност со фирмата во која се татко му Витомир и блискиот роднина Кутановски“, соопштија од СДСМ.

Партијата повтори дека очекува Антикорупциската комисија и Јавното обвинителство да покренат постапка за конфликт на интерес, злоупотреба на функција и корупција во врвот на власта предводена од Христијан Мицкоски.

— реклама —

„Кој сега ќе се извинува? Единствено на граѓаните, кога ќе одговарате – сите до еден. Работата не е завршена“, стои во соопштението на Антикорупцискиот тим на СДСМ.