Арагчи: САД со „претерани барања“ ги урнаа мировните преговори

Иранскиот министер за надворешни работи Абас Арагчи изјави дека „претераните барања“ на Соединетите Американски Држави довеле до неуспех на мировните преговори одржани во Исламабад.

— реклама —

По слетувањето во Русија, Арагчи пред новинарите изјави дека со руските партнери ќе разговара за актуелниот конфликт на Блискиот Исток. Во објава на персиски јазик преку својата сметка на Телеграм, тој наведе дека разговорите во Исламабад биле насочени кон дефинирање на условите за евентуално продолжување на преговорите.

— реклама —

— реклама —

Арагчи се осврна и на состојбата со Ормутскиот теснец, нагласувајќи дека безбедноста на пловидбата низ овој стратешки важен поморски правец останува прашање од глобално значење. Тој упати повик до соседните држави, меѓу кои и Оман, за засилена соработка во заеднички интерес.

Исто така, посочи дека постои значителна усогласеност меѓу Техеран и Мускат, при што е постигнат договор за продолжување на разговорите за прашањето поврзано со Ормутскиот теснец.