Бугарскиот парламент го преименува 24 Мај.Со измените на Законот за работни односи, во текот на вчерашниот ден, кои добија поддршка од ГЕРБ на премиерот Бојко Борисов, како и од „Обединети патриоти“, празникот од Ден на бугарското образование, култура и словенско писмо се преименува во Ден на светите браќа Кирил и Методиј, за бугарската азбука, образование и култура и за словенската литература.
Предлогот беше на партијата предводена од Красимир Каракачанов, ВМРО-БНД, а поддршка доби и од коалицискиот партнер ГЕРБ.
Против идејата се изјаснија опозиционерите од БСП.
