Легендата на југословенската поп-музика, Ѓорѓе Марјановиќ, почина на 89-годишна возраст. Познатиот пејач бил приклучен на респиратор и лекарите се бореле за неговиот живот изминатите денови, објавуваат медиумите од регионов.
Ѓорѓе Марјановиќ е познат југословенски пејач, најпопуларен во текот на 60-тите, 70-тите и 80-тите години на минатиот век во СФР Југославија и според многумина најголемата свезда на југословенската поп музика.
Роден е во Кучево. Средно училиште завршил во Пожаревац, по што студирал фармација во Белград. Откако ги запоставил студиите, заработувал пари истоварувајќи вагони на железничката станица, дистрибуирајќи млеко и весници, работи како инкасатор во Радио Белград и глумел во филмот „Сите на море“ а играл и во југословенскиот драмски театар.
Првпат пеел на аудицијата на поп-пејачи организирана од Здружението на џез музичари на Србија, а во наредниот период пеел и на игранки и забави во градот.
Ѓорѓе Марјановиќ имаше голем број на хитови, а беше добитник и на голем број награди.
Фото: Mondo
