Во Италија денес и утре, 12 милиони граѓани избираат општински и градски власти во 1.700 места.
Во Рим, актуелната градоначалничка, Вирџинија Раја, членка на Движењето Пет Ѕвезди, повторно е една од 22 -те кандидати за позицијата прв граѓанин на главниот град.
Доколку ниту еден од кандидатите не добие мнозинство, се планира ново гласање за 17 и 18 октомври. Градските власти се избираат и во други поголеми градови како што се Милано, Неапол, Болоња, Торино и Трст.
Во најмалата италијанска општина по број на жители, Монтероне, во провинцијата Леко, единствената изборна листа што беше оценета како валидна е Геј партијата, која се бори за правата на ЛГБТ луѓето.
Изборите ќе бидат одличен тест за политичката моќ на десничарските и левичарските партии кои не беа поштедени во изборната кампања и кои, според агенцијата, биле „отровни, полни со меѓусебни обвинувања, скандали и завршиле со агресија во три случаи против кандидатите на Движењето Пет Ѕвезди “.
Општинските избори требаше да се одржат во мај, но според одлуката на парламентот, тие беа одложени поради тешката епидемиолошка состојба предизвикана од пандемијата „Ковид-19“.
