Властите во Хонг Конг денеска ги затворија училиштата и го зголемија нивото на предупредување за бура бидејќи на овој финансиски центар му се заканува тајфун втор пат последнава недела.
Опсерваторијата во Хонг Конг го подигна нивото на предупредување за бура од категорија 8 бидејќи силната тропска бура Компас се движи кон Хонг Конг, пренесува „Ројтерс“.
Највисокото ниво на предупредување за невреме е категорија 10.
Финансиските пазари во Хонг Конг нема да се отворат доколку нивото на предупредување за тајфун остане на 8 или повисоко во 9 часот наутро по локално време.
