Заев се согласил за меѓународна истрага за „Монструм“, а поддржал и други 10 барања на Гаши
Две децении нерешени прашања ќе се решаваат во следните четири години, смета Африм Гаши лидер на Алтернатива, партија која влезе во Владата. Меѓу позначајните барања кои се одобрени од СДСМ и ДУИ е меѓународна истрага за судски процеси кои се воделе во Македонија, а биле оценети како политички инструирани.
„Владата ќе ги ангажира сите капацитети за да отпочнеме со преговори со ЕУ и успешно затворање во пократок можен рок. Владата ќе побара екипа од независни експерти да направат меѓународна истрага за Монструм, Алмир Алиу и така натака. Владата ќе донесе закон за меѓународен развој за развој на липковскиот регион. Владата ќе развие и ќе спроведе политики за правата на сите заедници во државата, а особено ќе ги поддржи тие за семејството. Ќе ги поддржи политиките за борбата против криминалот и корупцијата. Владата ќе го ревидира законот за извршување кој треба да е во интерес на граѓаните, а потоа на институциите. Владата ќе направи стратегија за развој и квалитет на образованието. Владата ќе работи за спроведување на проектите на сите нивоа, преку зголемување на одговорноста кај функционерите“, кажа Гаши додајваќи дека ова е дел од новата владина програма.
