Ковачевски: Партијата мора да ги вреднува и почитува најактивните и најпосветените членови
Димитар Ковачевски, кандидат за лидер на СДСМ, најавува дека партијата мора да го засили дејствувањето на месните одбори, потенцирајќи дека неговата партија ќе мора да научи да ги вреднува најактивните и најпосветените членови.
„Функционирањето на месните одбори комплетно ќе се ревидира при што основите за функционалноста на партијата мора да започнуваат токму од овие локални, но суштински јадра на партијата.
Најактивните и најпосветените членови се тие кои партијата мора да ги вреднува и почитува.
Мора да ги активираме и пасивизираните членови, но и да привлекуваме нови, компетентни и мотивирани луѓе да се приклучуваат во партијата.
Како иден претседател главна цел ќе ми биде да изградиме фер внатрепартиски систем и евалуација на придонесот на секој активист. Само така ќе имаме мотивирано членство кое ќе придонесува за партијата и државата“, пишува Ковачевски на својот фејсбук профил, а кој веќе почна да ја претставува својата програма пред граѓаните.
