Матеј ноќта кога исчезнал неколку пати разговарал со девојка
Исчезнатиот Матеј Периш ноќта на неговото исчезнување комуницирал со девојка на која и се јавил непосредно пред да истрча од клубот „Готик“.
Според 24сата.хр, полицијата утврдила дека Матеј Периш последниот телефонски разговор го имал со девојка, која била сестра на неговиот пријател, и таа наскоро ќе биде сослушана.
Полицијата верува дека нејзината изјава може да биде клучна за расветлување на неговото исчезнување. Според хрватскиот Вечерњи лист таа се уште е во Белград!
Според хрватските медиуми, тој пријател на Матеј не бил во Белград за празниците. Кога Матеј на 30 декември видел дека и таа на Инстаграм објавува фотографии од Белград, ја контактирал.
– Пред да замине во клубот „Готик“, Матеј и неговите пријатели вечерале во друг ресторан. На Инстаграм виделе дека нивната познаничка објавува фотографии од Белград, па Матеј ја контактирал со порака, а потоа и се јавил. Тоа било околу 22 часот. Девојката разговорот со Матеј го испратила на неговите пријатели и рекла дека тоа е се што знае – наведува изворот на хрватскиот весник 24сата.
Како што се наведува понатаму, девојката рекла подоцна да се сретнат и заедно со нејзиното и неговото друштво да излезат бидејќи познава многу луѓе во Белград и често доаѓа.
Наводно, Матеј ја поканил во „Готик“, но таа не го разбрала поради музиката и вревата во клубот.
Според овие информации, Метју и таа се слушнале најмалку два пати во периодот од неколку часа од кобната ноќ.
Потрагата по Матеј Периш трае веќе 15 дена и е проширена во уште неколку градови во Србија.
