Анализа на летот: Кинески авион во моментот на падот летал речиси еднакво на брзината на звукот
Авионот на China Eastern Airlines ненадејно почна да ја губи висината, за потоа да се урне во планинскиот регион на Кина. Во несреќата загинаа 132 патници и членови на екипажот.
Блумберг објави анализа на следењето на податоците за летот, а податоците покажуваат дека пред да удри во земјата, авионот се движел речиси со брзина на звукот. Боингот 737-800 во последните моменти се движел со брзина поголема од 966 километри на час.
„Прелиминарните податоци покажуваат дека тој летал блиску до брзината на звукот и имал многу голем пад“, изјави експертот за аеронаутика Џон Хансман од Технолошкиот институт на Универзитетот во Масачусетс (МИТ).
Проблем со црната кутија
Мерењата покажаа дека брзината на звукот во воздухот се зголемува со температурата и влажноста. Во воздухот на температура од 20 ° C е 1.235 km/h на 0 метри надморска височина. Но, како што звукот патува побрзо низ потопол воздух, брзината потребна за пробивање на звучната бариера се намалува на повисоки надморски височини, каде што температурите се пониски. На надморска височина од околу 10.500 метри, брзината на звукот е околу 1000 km/h.
Анализата на Блумберг покажува дека летот 5735 почнал нагло да се спушта кога бил на височина од 8.800 метри. Пред да почне нагло да опаѓа, летал со брзина од 960 km/h.
Овој податок се совпаѓа со видео снимката од моментот пред авионот да удри во планината, на која се гледа како авионот паѓа во речиси вертикална положба. Ваквото „нуркање“ веројатно предизвикало силен удар кој можеби ги оштетил и уредите што снимаат податоци и аудио снимки во кабината, иако тие се дизајнирани да ги издржат повеќето падови.
“Изгледа дека авионот буквално испари. Дали снимачите можеа да издржат такво нешто? Не знам”, изјави Боб Ман, претседател на консултантската компанија за авијација R.W. Mann & Co.
Џејмс Кеш, поранешен технички советник на Националниот одбор за безбедност на транспортот на САД, рече дека модерните црни кутии во кои се чуваат податоци на чипови се дизајнирани да издржат силен удар.
„Но, поголемиот проблем е да се најде црната кутија“, рече Кеш.
Жу Тао од кинеската управа за цивилно воздухопловство вчера изјави дека досега не е пронајдена црна кутија. Пејџерот на кутијата не се активираше бидејќи се случува само под вода.
Леташе побрзо од другите авиони на тие височини
Анализата на Блумберг дава груба претстава за брзината на авионот бидејќи била земена предвид неговата хоризонтална брзина над земјата, како и брзината на спуштање. Проценките за брзината се засноваа на тоа колку брзо авионот патуваше помеѓу две точки и не го земаа предвид правецот на ветерот или другите атмосферски услови. Вистинската брзина на авионот можеше да биде поголема.
Не е можно да се одреди точната брзина на авионот кога ќе удри во планината. Последните податоци снимени од Flightradar24 се снимени кога авионот летал на височина од 975 метри.
Околу 40 секунди пред последниот пренос на податоци, авионот престанал да се спушта и накратко почнал да се качува пред да се урне. Но сепак леташе побрзо од другите авиони на тие височини.
Авионите обично не летаат побрзо од 463 km/h на височини под 3000 метри. Според Flightradar24, авионот China Eastern летал со брзина од 756 km/h на височина од 975 метри.
