Зеленски побара од Бајден да го одложи воведувањето санкции за Абрамович
Украинскиот претседател Владимир Зеленски побара од претседателот Џо Бајден да го одложи воведувањето санкции за рускиот милијардер олигарх Роман Абрамович.
Причината е што Абрамович би можел да биде посредник меѓу Москва и Киев, објави во средата Wall Street Journal.
Американското Министерство за финансии првично се подготвуваше да му наметне казни на Абрамович на почетокот на март, но Советот за национална безбедност на Белата куќа им порача да почекаат.
Додека Министерството за финансии ги подготвуваше казните, Бајден и Зеленски телефонски разговараа за опсегот на санкциите против Русија и казните против Абрамович, според WSJ.
САД допрва треба да го санкционираат Абрамович, и покрај санкциите што ги воведоа Европската унија или Велика Британија против повеќе од 20 руски милијардери.
И покрај очигледното барање, Абрамович не беше многу ефикасен во олеснувањето на мировните преговори, според WSJ.
Форбс се обрати до Советот за национална безбедност на Белата куќа, од каде за WSJ изјави дека нема да зборува за деталите од разговорите меѓу двајцата лидери.
Да потсетиме, портпаролката на Абрамовиќ на крајот на минатиот месец изјави дека тој учествувал во помагањето на Украина да дојде до мирно решение со Русија, на барање на Украина.
Абрамович беше во Белорусија на крајот на февруари, кога се одржа рунда преговори меѓу Русија и Украина.
Александар Родњански, татко на еден од соработниците на Зеленски, рече дека Абрамович имал ограничено влијание врз Путин, но дека тој бил вмешан затоа што тој е единствениот Русин што го прифатил барањето на Украина за помош, според Фајненшл тајмс.
Тој е единствениот олигарх за кој се знае дека е посредник меѓу Русија и Украина.
