Владата во Адис Абеба објави одлука за неограничено хуманитарно примирје
Бунтовниците во регионот на Тиграј, кои веќе 17 месеци се во конфликт со етиопската армија, денеска ветија дека ќе го почитуваат прекинот на огнот.
Соопштението дојде неколку часа откако владата во Адис Абеба објави одлука за „неограничено хуманитарно примирје“.
„Владата на Тиграј е посветена на ставање крај на непријателствата, кои ќе стапат на сила веднаш“, рекоа бунтовниците, повикувајќи ја етиопската влада да „преземе конкретни чекори за да дозволи неограничен пристап до Тиграј, регион во северна Етиопија на кој му се заканува глад“.
Кабинетот на премиерот Аби Ахмед прогласи „еднострано хуманитарно примирје“ во четвртокот за да се овозможи „слободен проток на хуманитарна помош за оние на кои им е потребна“ во Тиграј, каде од 15-ти декември не пристигна ниту еден конвој со хуманитарна помош.
Бунтовниците рекоа дека се решени да успеат во прекинот на огнот, велејќи дека „поврзувањето на политичките и хуманитарните прашања е неприфатливо“, но уверија дека „ќе дадат се од себе за да му дадат шанса на мирот“.
Владата и бунтовничките сили од Тиграј се во конфликт во северна Етиопија откако добитникот на Нобеловата награда за мир Аби Ахмед ја испрати федералната армија да ги замени регионалните бунтовнички власти во ноември 2020 година.
