Шведска ги укинува сите антиковид мерки за влез во земјата
Од
Објавено на
Забраната за влез во Шведска за државјаните на земјите надвор од зоната на ЕУ истекува на 1 април, објавено е денеска на веб-страницата на шведската влада.
Ова значи и укинување на задолжителната потврда или тест за вакцинација при влез во оваа земја.
Забраната за влез на граѓани надвор од зоната на ЕУ беше воведена во март 2020 година и постојано се продолжуваше до 31 март.
Од 1 април, во Шведска, Ковид повеќе нема да се класифицира како закана за јавното здравје и опасност за општеството.
„Ја укинавме забраната за земјите во ЕУ, а сега владата одлучи да ја укине забраната за земјите надвор од европскиот блок“, изјави министерот за правда Морган Јохансон.
