Покрај сите опструкции на Христијан Мицкоски пописот е успешен, вели власта
„Покрај сите можни опструкции имаме успешен попис после цели 20 години по највисоки светски стандарди на ЕВРОСТАТ. Пропаднаа сите обиди за бојкот и за рушење на оваа важна статистичка операција“, вели СДСМ во реакција на изнесени ставови на Христијан Мицкоски.
Тие додаваат:
„Христијан Мицкоски беше тој што најавуваше бојкот при самото објавување на датумот за спроведење на пописот.
Мицкоски и ВМРО-ДПМНЕ бараа да се одложи пописот и започнаа со собирање потписи против пописот. Христијан Мицкоски прв се потпиша.
Лично Мицкоски пишуваше писма до амбасадорите против пописот.
Покрај сето ова пописот успеа, институциите спроведоа успешен, точен и кредибилен попис кој го поздрави Европската комисија и сите релевантни чинители.
Ова се фактите, ова е вистината“.
