(ФОТО) Сателит источно од Харков сними голем руски воен конвој
Сателитните снимки направени и анализирани од Maxar Technologies покажуваат десет километри долг руски воен конвој источно од Харков. Снимката на Максар е направена на 8 април во близина на градот Велки Бурлук, неколку десетици километри источно од Харков. Конвојот се движел кон југ, пишува CNN.
Максар рече дека конвојот содржел оклопни возила, камиони, артилерија и дополнителна воена опрема.
Да потсетиме, по повлекувањето на руските сили од околината на Киев, се очекува дел од силите да бидат префрлени во источна Украина за да ги интензивираат руските напади таму. Не се знае точно каде оди овој конвој.
На почетокот на војната многу се зборуваше за десетици километри долгиот конвој кој од границата со Белорусија одеше кон Киев. Тогаш се претпоставуваше дека Русите ќе се обидат да го опкружат Киев, но тоа никогаш не се случи. Тој конвој во еден момент исчезна, а не е јасно што точно се случило. Дел од конвојот бил нападнат и уништен, а дел, како што тогаш се зборувало, се разделил.
Foto: Profimedia
