Турција тргна во офанзива против курдските екстремисти
Турција започна нова заедничка прекугранична офанзива воздух-воздух против курдските екстремисти во северен Ирак, потврди турскиот министер за одбрана.
Воени авиони, хеликоптери и беспилотни летала гаѓаа курдски екстремисти, aбеа ракетирани и кампови за обука, тунели, засолништа и складишта за муниција во северен Ирак, изјави министерот за одбрана Хулуси Акар.
Во интервју за турската државна новинска агенција Анадолу, Акар објасни дека турската воена операција била насочена кон регионите Метина, Зап и Авасин-Басјан во северен Ирак и вклучувала ангажман на командоси кои, како што рече, „инфилтрирале од копното .
„Досега нашата операција се одвива добро и во согласност со плановите. Целите утврдени во првата фаза се постигнати“, рече турскиот министер за одбрана, но не соопшти за жртви.
Според Акара, целта на операцијата наречена Челична канџа е „да се спречат терористички напади и да се обезбеди безбедност на турската граница“.
Артилериските единици, исто така, ја поддржуваат операцијата, рече тој, истакнувајќи дека офанзивата е дел од континуираната турска кампања во Ирак и Сирија против членовите на Курдистанската работничка партија (ПКК) и сириската курдска милиција ИПГ, кои Анкара ги смета за терористички организации.
