Први снимки од експлодираниот автобус во Турција, полицијата ја опкружува целата област
Најмалку едно лице загина денеска, а четворица се повредени при експлозија на автобус со затворски чувари во северозападната турска провинција Бурса.
Според соопштението од управата на затворот, се разгледува можноста за терористички напад.
Експлозијата се случила околу 7:30 часот, додека автобусот ги превезувал чуварите на работа низ станбена зона во централниот кварт Османгази во Бурса.
Во моментот на експлозијата автобусот се наоѓал во близина на станицата на метрото.
Bursa'da infaz koruma memurlarını taşıyan otobüse saldırıhttps://t.co/lBS4yW0svG pic.twitter.com/kgZd4P5gpq
— Tükenmez Haber (@tukenmezhaber) April 20, 2022
Се верува дека експлозивната направа била оставена покрај патот и активирана од далечина.
Возачот успеал да го запре автобусот на околу 100 метри од местото на експлозијата.
Регионалниот гувернер Јакуп Јанболат во изјава изјави дека најверојатно се работи за рачно изработен експлозив.
Истрагата е во тек.
